第一日，第二日香港→大阪→新千歲??

6點左右就把單車打包好就自己開車送自己同屋企人去機場，到機場泊車有一個小插曲，唔識路去去國内車輛停車場，咁我當然入唔到啦，打算倒車出返去既時候，後面架車不停響安，又不斷逼前，d大陸人係咪on9,我打哂燈倒車你都仲逼咪黎我唔出黎你點入去啊。

大家都未食飯就去左太興食又貴又細既燒味飯，到差唔多時候就上機啦，都有d緊張，話説原來我去左咁多次旅行未試過自己一個人坐飛機，今次係第一次。同兩老黎個擁抱,就入閘啦，放心啦同上次一樣去去就回~~

凌晨2點左右終於到左大阪，到簽證果到有一欄係寫住宿地址，我呆咗，因為我冇book任何酒店，死啦邊有地扯電話又上唔到網，想話求其搵個地址出黎都唔得，最後求求其作啦，點知唔得彈返轉頭，個個人都走哂得返我一個係到諗地址，打開GOOGEL MAP好彩發現上次去日本有係間酒店打左粒星，有個地址係到先過到關，嚇到我。

出到機場連個WiFi,收到個email ""你去新千歲既航班因爲天氣問題已經取消左啦""，果然係取消，話説之前係澳洲去日本要轉機都同樣取消航班，如果大家時間多想玩多幾日既話一定要坐jetstar, 櫃檯又冇人冇得問點搞，去禁機買張data卡5000円有3GB,

訓到朝早有人開工

What the hell 問左冇飛機去新千歲，佢話最快要聽日早上6點有冇問題？難度仲有問題咩，要等24個鐘LOL, 架單車放左係機場就坐電車出去，

大阪都行到爛哂冇地方好去，就坐左出機場前既一個站"臨空城"果到有個小商場同outlet,食完早餐行到冇野行走左去公園訓草地，悶到想喊。

早餐吉豬頹飯

晚餐頹麵

好唔幸福既摩天輪

等等等等等等等等。返機場搵返個靚位日以繼夜夜以繼日咁等